PAGBASA GIKAN SA SULAT NI SANTIAGO
Jas. 1:1-11
Gikan ni Santiago nga sulugoon sa Dios ug sa Ginoong JesuCristo: Komusta kamong tanang katawhan sa Dios ng nagkatibulaag sa tibuok kalibutan! Mga igsuon, isipa nga bulahan kamo kon ang tanang matang sa pagsulay moabot kaninyo, kay nasayod kamo nga ang inyong pagtuo gisulay Iamang aron kamo mahimong mainantuson. Panigu- roa nga ang inyong pagkamainantuson magpadayon aron kamo mahingpit ug dili makulangan sa bisan unsa. Apan kon diha kaninyo may nakulangan ug kaalam, papangayoa siya sa Dios ug dili gayod siya mahigawad kay ang Dios mahinatagon ug maluluy-on man sa tanan. Apan papangayoa siya uban ang pagtuo sa wala gayod pagduhaduha, kay ang nagduhaduha sama sa balod nga monunot bisag asa huypa sa hangin. Ang tawo nga ingon niini dili makapaabot nga hatagan sa Ginoo sa iyang gipangayo, kay maduhaduhaon man siya ug walay tino nga tumong sa tanan niyang buhaton. Ang kabus nga igsuon angay maglipay kon ang Dios magpauswag kaniya, ug ang dato nga igsuon kon siya ipaubos sa Dios, kay ang dato mahanaw lamang sama sa bulak sa balili. Ang adlaw mosubang uban sa naglagiting kainit nga makapalaya sa balili, ug ang bulak niini malarag ug mahanaw ang iyang katahom. Sama niini ang dato; takulahaw lang siya mamatay samtang nagkapuliki siya sa iyang mga patigayon.
ANG PULONG SA GINOO.
SALAMAT SA DIOS.
SALMO RESPONSORYO
Ps. 119:67, 68, 71, 72, 75, 76
R. Kaloy-i ako, Ginoo, ug mabuhi ako.
Sa wala pa ako sakita nahisalaag ako, apan karon nagasalig ako sa imong saad. (R)
Maayo ikaw ug manggihatagon; tudloi ako sa imong mga kasugoan. (R)
Maayo kanako nga gisakit ako, makakat-on ako sa imong mga kasugoan. (R)
Ang balaod sa imong ba-ba mas bililhon kanako, kay sa linibo nga bulawan ug salapi. (R)
Nahibalo ako, O Ginoo, nga ang imong mga gimbut-an matarong, ug sa imong kamatinumanon imo akong gisakit. (R)
Maglipay unta kanako ang imong kaluoy sumala sa imong saad sa imong mga sulugoon. (R)
BERSO SA DILI PA ANG EBANGHELYO
Jn. 14:6
Aleluya! Ako ang dalan, ang kamatuoran, ug ang kinabuhi; walay makaadto sa Amahan kon dili moagi kanako. Aleluya!
PAGBASA SA SANTOS NGA EBANGHELYO SUMALA NI SAN MARKOS
Mk. 8.11-13
May pipila ka mga Pariseo nga miabot ug nakiglantugi kang Jesus. Buot nilang bitkon si Jesus, busa gihangyo nila siya sa pagpakita ug ilhanan nga pinadala siya sa Dios. Nanghupaw'g lawom si Jesus ug miingon, "Nganong nangita man og ilhanan gikan sa Dios ang mga tawo niining panahona? Apan sultihan ko kamo nga walay ilhanan nga ipakita niining mga tawhana!" Unya iyang gibiyaan sila ug mibalik siya pagsakay sa sakayan, ug mitabok sa Lanaw.
ANG EBANGHELYO SA GINOO.
DAYGON IKAW, O KRISTO.
