PAGBASA GIKAN SA BASAHON NI PROPETA ISAIAS
Is. 29:17-24
Dili na madugay nga ang Lebanon mahimong usa ka tanaman nga mabungahon, ug malukop sa kakahoyan. Niadtong adlawa ang bungol s makadungog na kong basahan siyag basahon, ug ang mga buta nga nagpuyo sa kangitngit makakita na. Makakaplag ug kalipay diha sa Ginoo ang mga mapaubsanon, ug ang mga kabus magmaya tungod sa Balaang Dios sa Israel. Kay mahanaw ang mga tawong bangis, ug mawagtang ang mga mabugalbugalon ug puohon ang tanan nga mahigugmaon sa pagbuhat sa dautan, ug nagbutangbutang sa iyang isigkatawo ug magbutang og laang sa tawo nga naglaban sa katarong, ug pinaagi sa limbong hikawan nila sa hustisya ang mga inosente. Busa nag-ingon ang Ginoo, ang Dios sa Israel nga nagluwas kang Abraham sa iyang kalisdanan, "Katawhan ko, dili na kamo kaulawan ug dili na manglipaghong. Kay inigkakita ninyo sa inyong kaliwat, nga akong ihatag kaninyo, pasidunggan ninyo ang akong ngalan; simbahon ninyo ang Dios ni Jacob, ug kahadlokan ninyo ang Dios ni Israel, ug sila nga nangalibog, o makasabot na unya, ug ang mga gahig ulo motuman na sa akong sugo."
ANG PULONG SA GINOO.
SALAMAT SA DIOS.
SALMO RESPONSORYO
Ps. 27:1, 4, 13-14
R. Ang Ginoo mao ang akong kahayag ug akong kaluwasan.
Ang Ginoo mao ang akong kahayag ug akong kaluwasan; kinsa may akong kahadlokan? Ang Ginoo mao ang dalangpanan sa akong kinabuhi; kinsa pa may akong kalisangan? (R)
Usa ka butang akong gipangayo sa Ginoo; kini ang akong gipangita: Ang pagpuyo diha sa balay sa Ginoo sa tanang mga adlaw sa akong kinabuhi, Aron makasud-ong ako sa kahiligugmaon sa Ginoo ug makapalandong sa iyang templo. (R)
Nagatuo ako nga makakita ako sa kaayo sa Ginoo diha sa yuta sa mga buhi. Paabuta ang Ginoo uban sa kaisug: pagmalig-on sa kasingkasing ug paabuta ang Ginoo. (R)
PAGBASA SA SANTOS NGA EBANGHELYO SUMALA NI SAN MATEO
Mt. 9:27-31
Unya mibiya si Jesus niadtong dapita, ug samtang naglakaw siya, duha ka buta nga lalaki misunod kaniva. Naninggit sila, "Anak ni David, kaloy-i intawon kami!" Sa nakasulod na si Jesus sa balay, miduol kaniya ang duha kạ buta ug nangutana siya kanila, "Nagtuo ba kamo nga makaayo ako kaninyo?" Sila mitubag, "Oo, Sir." Unya gihikap ni Jesus ang ilang mata ug miingon siya, "Maayo kamo sumala sa inyong pagtuo!" ug sila nakakita na. Unya gipinahan sila ni Jesus sa dili gayod pagsugilon niini kang bisan kinsa. Apan milakaw sila ug gisangyaw hinoon nila ang balita mahitungod kang Jesus sa tanang dapit niadtong yutaa.
ANG EBANGHELYO SA GINOO.
DAYGON IKAW, O KRISTO.
