PAGBASA GIKAN SA SULAT NI SAN PABLO NGADTO SA TAGA-ROMA
Rom. 9:1-5
Matuod ang giingon ko nga iya ako ni Kristo ug wala ako mamakak. Ang akong konsiyensya nga gilamdagan sa Espiritu Santo maoy akong saksi nga wala ako magbakak. Gibati ko ang hilabihang kasubo ug kaguol nga walay hunong alang sa akong isigka-Judio mga kabanay ug mga kadugo ko. Tungod kanila palabihon ko nga tungluhon ako sa Dios ug mahimulag kang Kristo. Sila mao ang piniling katawhan sa Dios; gisagop sila ingon nga mga anak sa Dios ug gipaambit sa iyang himaya; ug naghimo siyag mga kasabutan uban kanila ug gihatagan sila sa Balaod. lla ang matuod nga pagsimba, ug nakadawat sila sa mga saad sa Dios. Kaliwat sila sa mga patriyarka, ug sa ilang kaliwatan natawo si Kristo. Ang Dios nga labaw Sa tanan daygon unta hangtod sa Kahangturan! Amen.
ANG PULONG SA GINOO.
SALAMAT SA DIOS.
SALMO RESPONSORYO
Ps. 147:12-13, 14-15, 19-20
R. Dayga ang Ginoo, Jerusalem.
Dayga ang Ginoo, O Jerusalem; dayga ang imong Dios, O Sion. Kay iyang gilig-on ang mga trangka sa imong mga ganghaan; iyang gipanalanginan ang imong mga anak sulod kanimo. (R)
Gitugot niya ang kalinaw sulod sa imong mga utlanan; gibuhong ikaw niya sa labing maayong trigo. Gipadala niya ang iyang sugo ngadto sa yuta; makusog ang pagdagan sa iyang pulong. (R)
Lyang gisangyaw ang iyang pulong ngadto kang Jacob, ang iyang mga balaod ug mga gimbut-an ngadto kang Israel. Wala siya maghimo sa ingon sa laing nasod; wala niya ipahibalo ang iyang mga kasugoan ngadto kanila. Aleluya. (R)
PAGBASA SA SANTOS NGA EBANGHELYO SUMALA NI SAN LUKAS
Lk. 4:1-6
Usa niana ka Adlaw'ng Igpapahulay miadto si Jesus sa balay sa usa sa mga inilang Pariseo aron mokaon, ug ang mga tawo naniid pag-ayo kaniya. Unya dihay tawo kansang mga bitiis ug mga bukton nanghupong nga miduol kang Jesus. Nangutana si Jesus sa mga magtutudlo sa Balaod ug sa mga Pariseo, "Gitugot ba sa atong Balaod ang pag-ayog masakiton sa Adlaw'ng Igpapahulay?" Apan wala sila motubag. Unya Bİgunitan ug giayo ni Jesus ang tawo ug gipalakaw. Unya miingon siya kanila, "Kon usa kaninyo may anak o may baka nga mahulog sa atabay sa Adlaw'ng lgpapahulay, dili ba ninyo kuhaon kini niana gayong adlawa?" Apan wala sila makatubag kaniya bahin niini.
ANG EBANGHELYO SA GINOO.
DAYGON IKAW, O KRISTO.
