Sulugoon

🔴 [M] San Ignacio sa Antioquia, obispo ug martir

Year I, Cycle C

PAGBASA GIKAN SA SULAT NI SAN PABLO NGADTO SA MGA TAGA-ROMA

Rom. 4:1-8

Mga igsuon: Unsa may ikasulti nato mahitungod kang Abraham nga amahan sa atong kaliwat? Kon gimatarong pa siya sa Dios tungod sa iyang nahimo, may katarongan unta siya sa pagpasigarbo apan dili atubangan sa Dios. Kay ang Kasulatan nag-ingon, "Mituo si Abraham sa Dios, ug tungod sa iyang pagtuo ang Dios nag-isip kaniya nga matarong." Suholan ang tawo nga nagtrabaho, apan ang suhol dili maisip nga gasa kay iya mang gihagoan. Apan ang tawo nga wala magbuhat kondili nagtuo lamang sa Dios nga nag-isip nga walay sala sa tawong sad-an, isipon siya nga matarong tungod sa iyang pagtuo. Mao kini ang gipasabot ni David sa paghisgot niya sa kalipay nga bation sa tawo nga gimatarong sa Dios nga dili pinasikad sa bisan unsang buhat niya, sumala niining mosunod nga pahayag: "Bulahan gayod ang mga tawo kansang kalapasan gipasaylo na sa Dios ug kansang mga sala gitabonan na niya! Bulahan gayod ang tawo kansang mga sala dili na hinumdoman sa Ginoo!"

ANG PULONG SA GINOO.

SALAMAT SA DIOS.

SALMO RESPONSORYO

Ps. 32:1-2, 5, 11

R. Nagadangop ako kanimo, Ginoo, sa pahahon sa kagul-anan, ug gipuno mo ako sa kalipay sa kaluwasan.

Bulahan ang tawo, kansang kalapasan gipapas, kansang sala gitabonan. Bulahan ang tawo, nga wala pasanginli sa Ginoo og sala, kansang espiritu walay kasal-anan. (R)

Unya giila ko ang akong sala kanimo, ang akong kalapasan wala nako ilimod. Miingon ako, "Itug-an ko ang akong mga sala ngadto sa Ginoo," ug imong gikuha ang akong sala. (R)

Paglipay diha sa Ginoo ug pagsadya, kamong mga matarong; pagsadya, kamong tanang mga matarong og kasingkasing. (R)

PAGBASA SA SANTOS NGA EBANGHELYO SUMALA NI SAN LUKAS

Lk. 12:1-7

Sa diha nga linibo ang mga tawo nga nagpunsisok kaniya ug tungod niini nagtinumbanay na sila, miingon si Jesus pag-una sa iyang mga tinun-an, "Pagbantay kamo sa igpapatubo sa pan sa mga Pariseo nga mao ang pagpakaaron-ingnon. Bisan unsay gitabonan madayag, ug ang tanang tinagoan mabutyag. Busa bisan unsay inyong gisulti didto sa ngitngit madungog diha sa hayag, ug bisan unsay inyong gihunghong didto sa tinakpan nga lawak, isinggit didto sa mga atop sa kabalayan." "Sultihan ko kamo, mga higala: ayaw kamo kahadlok kanila nga makapatay sa lawas apan wala nay laing mahimo. Tug-anan ko kamo kinsa ang angay ninyong kahadlokan: kahadloki ang Dios nga human mopatay, may gahom sa pagtambog ngadto sa impiyerno. Oo, kahadloki gayod ninyo siya!" "Dili ba ang lima ka gagmay'ng langgam ibaligya man lang og duha ka dako? Apan walay usa kanila nga hikalimtan sa, Dios. Bisan gani ang tanang buhok sa inyong ulo giihap niya. Busa ayaw kamo kahadlok; labaw pa kaayo kamog bili kay sa daghang mga gagmay'ng langgam!"

ANG EBANGHELYO SA GINOO.

DAYGON IKAW, O KRISTO.

Isaiah 40:31: "...but they who wait for the Lord shall renew their strength; they shall mount up with wings like eagles; they shall run and not be weary; they shall walk and not faint."

SunMonTueWedThuFriSat
2829301234567891011121314151617181920212223242526272829303112345678